यात्राको तयारी

यात्रा भनेको आज सोच्यो भोलि गयो भने जसरी जान सकिने कुरा होइन ।यो त एक मानसिक तयारी र योजना ,आफनो कामबाट छुट्टी अनि आवश्यक भ्रमण खर्चको आवश्यकता पर्दछ ।जस अन्तरगत आफू कहां जान लागेको हो ,कुन माध्यमबाट जाने हो अनि कति दिनको लागि जान लागेको हो ,के कस्तो खाना खाने हो ,कति रकम खर्च हुने होटल ,रिजोर्ट वा लजमा वस्ने हो लगायत आफूले के कस्ता गतिविधिहरु गर्ने , त्यहां घुमघाम गर्न कुन प्रकारको यातायातको साधनको प्रयोग गर्ने हो अनि त्यहांबाट के कस्ता कोशेलीहरु लिएर आउने हो जस्ता कुराहरु पर्दछन् ।

आफू यात्रा गर्ने ठांउको हावापानी कस्तो छ त्यसै अनुसारको पोशाकहरुको व्यवस्था गर्नु पर्छ ।जस्तै गर्मी छ भने टिर्सट ,भेष्ट ,हाफ पाइन्ट अनि क्याप, चश्मा ,हलुका जुत्ताको आवश्यकता पर्दछ भने जाडो ठांउ छ भने न्यानो टोपी ,बाक्लो अनि पूरा बाहुला भएको भेष्ट , उनीको कमीज ,भित्री टृउजर अनि न्यानो पाइन्ट ,मोजा ,पंजा जस्ता कपडाहरु आफनो साथमा हुनु आवश्यक हुन्छ ।

यात्राको क्रममा आवश्यक पर्ने अर्को कुरा हो यात्रा सम्बन्धी आवश्यक नक्शा तथा जानकारी लिने पुस्तक ,पर्चा लगायत भ्रमण गरिसकेका व्यक्तिहरुबाट पनि आवश्यक जानकारी लिन सकिन्छ ।


पुस्तक यात्राको साथी
पुस्कक यात्राको एक राम्रो साथी हो ।यात्रा गर्ने क्रममा आफूलाई मनपर्ने पुस्तक साथमा लान नभुल्नु होला ।पुस्तक जुनसुकै पनि हुन सक्छ ,चाहे त्यो उपन्यास होस् वा गैर उपन्यास ।यात्राको क्रममा हुने पट्यारलाग्दा क्षणहरुका साथै जब होटल भित्र छिरिन्छ तब टिभी मात्र हेरेर विताउनु को साटो अनि दिनभरको यात्राको थकानलाई विर्स होस् ,पुस्तकका पानाहरुसंग आपनो नाता जोड्नु एक राम्रो उपलक्धी हुन सक्छ ।त्यसैले आफूलाई मनपर्ने एक दुइवटा पुस्कतहरु राख्न नभुल्नुहोला ।

यदि तपाईलाई केही कुरा लेख्न मन लाग्छ भने एउटा कपि कलम पनि राख्नु होस् ।

क्यामरा
क्यामरा त तपाई पक्कै पनि छुटाउनु हुने छैन किनकी तपाईको यात्रालाइै जिवन्त राख्न यसले नै त मदत गर्छ । आजकल डिजीटल क्यामराले गर्दा जो कोही पनि सामान्य सुझबुझ अपनाएर राम्रो फोटो खिच्न सक्छ ।फोटो खिच्दा आफूलाई विभिन्न गतिविधिमा संलग्न गराएको त खिच्नु हुने छ नै ,त्यस बाहेक पनि यहांका प्राकृतिक दृष्यहरुको पनि फोटो खिच्न नछुटाउनु होला किनकी पोखराले फोटो खिच्न थुप्रै अवसरहरुको सिर्जना गर्ने गर्दछ ।क्यामरासंगै ब्याट्ी चार्जर अनि डाटा केवल पनि संगै हाल्न नविर्सनुहोला ।